اكتشف سوريا
يا عيني على ريحة الياسمين المخلوطة بنسمة النارنج، ويا ليلي عالأسواق اللي محلاتها بتحكي قصص وحكايات. سوريتنا ملهمة الشعراء وموحية الأدباء، وطن الحب والخضرة وخصب الأرض وطيب الماء.
لما نقول سوريا شو أول شغلة بتخطر على بال كل مغترب وكل بعيد؟
قهوة الصبح مع الست الوالدة، عصير فواكه من عند أبو شاكر، الفطور المرستق تبع يوم الجمعة، مشوار البزورية يلي ألوان بهاراتو متل اللوحة الفنية، أو عرباية الفول النابت على صحن رايح وصحن جاي
ويمكن تكون روحة على سوق الحمدية مع زبدية من بوظة بكداش الهنية، ومرقة الحريقة مع سندويشة تماري وكعك الشهية.
ولسا في ساحة الروضة وعرنوس الذرة، قهوة النوفرة ونطرة الحكواتي، شط طرطوس وكورنيش اللاذقية، قلعة حلب ونهر عفرين، نواعير حماة وجمال الريف.
هاي هي سوريا، هاي هي أرض الخير والعيشة الهنية. وشكلين ما بنحكي.
